Ítalskur heimilismatur frá Napólí, frá pasta e patate til crema di ricotta með súkkulaði og appelsínu.
Heillandi Napólí, suðræn og seiðandi. Ertu klár í að uppgötva matar leyndarmál Napólí? Á þessu námskeiði sláumst við í för með Valerio Gargiulo og eldum nokkra ekta rétti frá Napólí, með hráefni sem auðvelt er að nálgast á Íslandi. Valerio er fæddur og uppalinn í Napólí en hefur búið á Íslandi síðan 2002. Hann er lögfræðingur að mennt, ástríðukokkur og rithöfundur. Valerio hefur gefið út 11 bækur, flestar eru skáldsögur um yfirnáttúrulega atburði og ævintýri, en tvær bókanna eru matreiðslubækur. Annars vegar bókin „Uppskriftir Valerios frá Napólí“ og hins vegar bókin „Matarvenjur Miðjarðarhafsins: Suður ítalskar uppskriftir“.
Matseðillinn er til viðmiðunar og getur breyst án fyrirvara, eftir hráefni og mati kokksins.
pasta og kartöflur · eggaldinabaka með tómötum og osti · kjötbollur í tómatsósu með basilíku
spaghetti með hvítlauk, ólífuolíu, chili og kirsuberjatómötum · maríneraðar kúrbítssneiðar með hvítlauk og myntu · ristuð brauðsneið með pylsukjöti og rjómaosti
rjómaostakrem með dökku súkkulaði og appelsínu
Á staðnum eru öll áhöld og innihaldsefni svo að þú þarft bara að mæta.
