Skilmálarnir sem gilda þegar þú bókar námskeið, Cook & Dine eða einkaviðburð, eða kaupir gjafabréf. Stuttir og skýrir, en gott að lesa þá áður en þú bókar.
Skilmálarnir gilda um allar bókanir hjá Salt Eldhúsi, hvort sem bókað er á vefnum, í tölvupósti eða á staðnum. Með því að ganga frá bókun samþykkir þú þá.
Ef sérstök skilyrði koma fram á síðu námskeiðs eða viðburðar gilda þau til viðbótar.
Salt Eldhús er matreiðsluskóli í Reykjavík, rekinn af Salt Eldhúsi ehf., kt. 650626-1920, Þórunnartúni 2, 105 Reykjavík. VSK-númer 163111.
Þú nærð í okkur á info@salteldhus.is eða í síma 551 0171.
Þú bókar á vefnum og færð staðfestingu í tölvupósti um leið, með öllu sem þú þarft til að rata til okkar. Ef einhver sem þú bókar fyrir er með ofnæmi eða óþol, láttu okkur vita við bókun og við reynum að bregðast við eftir bestu getu.
Við tökum myndir á námskeiðum og deilum þeim með hópnum, og stöku sinnum á samfélagsmiðlum. Láttu gestgjafann vita ef þú vilt síður vera á myndunum.
Verð eru í íslenskum krónum og koma fram á síðu hvers námskeiðs. Námskeið eru greidd að fullu við bókun.
Einnig má greiða með gjafabréfi, sjá lið 07.
Á opnum námskeiðum og í Cook & Dine gildir þetta: Ef þú afbókar 7 dögum fyrir námskeið eða fyrr færðu fulla endurgreiðslu. Ef styttra er í námskeiðið en meira en 72 tímar fæst helmingur endurgreiddur, eða þú getur fært bókunina á aðra dagsetningu án þess að tapa neinu. Innan 72 tíma, eða ef þú mætir ekki, fæst ekki endurgreitt.
Kemstu ekki? Þú getur alltaf sent einhvern í þinn stað. Ef þú vilt færa þig á aðra dagsetningu reynum við að koma til móts við þig, svo lengi sem meira en 72 tímar eru í námskeiðið. Afbókanir og breytingar sendist á info@salteldhus.is.
Ef við þurfum að fella niður námskeið látum við þig vita eins fljótt og hægt er. Þú velur þá á milli fullrar endurgreiðslu, nýrrar dagsetningar eða annars námskeiðs.
Stundum breytist réttur eða kennari frá því sem stendur á vefnum, en námskeiðið heldur sér.
Gjafabréf gilda í tvö ár frá kaupdegi.
Þau fást hvorki endurgreidd né skipt fyrir peninga.
Fyrir einkahópa gildir þetta: Afbókun er gjaldfrjáls meira en 60 dögum fyrir viðburð. 60 dögum fyrir er 30% staðfestingargjald innheimt sem fæst ekki endurgreitt.
Eftirstöðvar eru innheimtar 14 dögum fyrir og eru á gjalddaga 7 dögum fyrir. Innan 14 daga greiðist fullt verð. Fækka má gestum allt að 7 dögum fyrir viðburð.
