Tapas

Krókettur, tortilla, albondigas og fleiri frægir tapas-réttir frá Spáni.

Spænsk matargerð fellur gjarnan í skuggann af matargerð Frakklands og Ítalíu. Paellu þekkja flestir en líklega ekki marga aðra „spænska“ rétti. Skýringuna má finna í því að matarmenning Spánverja byggist að miklu leyti á hráefnunum en ekki einstökum réttum, má þar nefna hráskinkuna „jamón iberico“ sem er án efa sú besta í heimi. Einn angi matarmenningar á Spáni er tapas-menningin og nýtur hún sívaxandi vinsælda allsstaðar í heiminum og ekki að ástæðulausu. Á þessu námskeiði eldum við nokkra fræga tapas-rétti og förum í ferðalag með bragðlaukana. Við skoðum líka muninn á tapas og pintxos og fræðumst um tapas-menninguna á Spáni.