Taívanskar bao buns á tveimur tímum

Gufusoðnar bao bollur frá grunni, með djúsí fyllingum, sósum og pikluðu grænmeti.

Þeir sem hafa kynnst Taívönsku gufusoðnu bollunum “Bao buns” eða “steamed buns”, með alls kyns djúsí krydduðum fyllingum ættu núna að kætast. Hér höfum við námskeið þar sem við kennum að hnoða og gufusjóða bollurnar og búa síðan til fyllingar í þessar girnilegu bollur, ásamt því að gera sósur og meðlæti til að setja ofan á. Það er til dæmis allskonar gott piklað grænmeti og góðar sósur sem gera þessar bollur svo ómótstæðilegar. Farið verður vel yfir allt hráefni og hvar það fæst. Í lok námskeiðs setjumst við niður og gæðum okkur á öllu saman.