Mexíkóskt „street food“ á tveimur tímum

Skemmtilegt námskeið fyrir alla aldurshópa: við gerum tortillu-kökur frá grunni og tacos með mismunandi fyllingum.

Skemmtilegt námskeið þar sem við lærum að gera tortilla kökur úr maísmjöli frá grunni. Allir fá að prófa að pressa sínar eigin kökur sem er einfaldara en marga grunar. Þegar kökurnar eru tilbúnar hefjumst við handa við að útbúa fyllingarnar. Við gerum fjórar uppistöðu fyllingar, úr fiski, kjúkling, hægelduðu grísakjöti og grænmetisfyllingu. Við gerum líka guacamole (lárperumauk), mismunandi salsa og góðar sósur með taco-inu! Eftir að allt er tilbúið sláum við upp hlaðborði og allir borða sig sadda.