Franskur heimilismatur sem hæfir árstíðinni, frá lauksúpu til tarte tatin.
Frönsk matargerð hefur lengi þótt bera af matargerðarlist annarra landa, fyrir gæði, smekkvísi og fegurð. Á þessu námskeiði tökum við fyrir franskan heimilismat sem hæfir árstíðinni, þ.e. vetrarmatur. Við gerum ekta franska lauksúpu, sannkallaða klassík, lærum að gera fullkomið bökudeig og quiche Lorraine, gerum laufsalat með franskri vinaigrette-sósu, eldum coq au vin (hana í víni) og endum á tarte tatin. Að lokum setjumst við niður og gæðum okkur á kræsingunum.
Matseðillinn er til viðmiðunar og getur breyst án fyrirvara, eftir hráefni og mati kokksins.
frönsk lauksúpa · beikonbaka
Á staðnum eru öll áhöld og innihaldsefni svo að þú þarft bara að mæta.
